Heimild: Gróttasport
Halldór Árnason er nýr aðstoðarþjálfari Óskars Hrafns Þorvaldssonar hjá Gróttu, en Óskar tók við eftir að liðið féll í 2. deild.
Bjarni Már Ólafsson og Bjarki Már Ólafsson munu einnig sjá um mikilvæg hlutverk í þjálfarateymi félagsins.
Bjarni Már Ólafsson og Bjarki Már Ólafsson munu einnig sjá um mikilvæg hlutverk í þjálfarateymi félagsins.
Halldór stýrði KV ásamt Páli Kristjánssyni frá 2012 til 2014 og komst liðið upp í 1. deild undir þeirra stjórn.
Halldór hefur góða reynslu að baki en hann var yfirþjálfari í yngriflokkastarfi KR áður en hann fór yfir til Stjörnunnar árið 2015.
Halldór er aðeins 33 ára gamall og gerði 20 mörk í 81 leik fyrir Gróttu og KV á ferlinum, en hann lagði skóna á hilluna 2011.
„Það leggst virkilega vel í mig að hefja störf hjá Gróttu. Ég hef sterkar og góðar tilfinningar til félagsins þar sem ég spilaði hér og hef fylgst með því góða starfi sem hefur verið unnið á Nesinu síðustu ár. Ég er hrifinn af þeirri hugmyndafræði sem yngri flokkarnir standa fyrir og hlakka til að byrja að vinna," sagði Halldór við Gróttusport.
Athugasemdir
