Emil Hallfreðsson lék allan leikinn í 4-1 sigri Udinese gegn Palermo á sunnudaginn.
Emil kastaði treyju sinni upp í stúku að leikslokum og hafði tíu ára drengur verr í baráttunni um treyjuna.
Emil kastaði treyju sinni upp í stúku að leikslokum og hafði tíu ára drengur verr í baráttunni um treyjuna.
Drengurinn var ekki mikið að kvarta en skrifaði um atvikið í ítölskutíma í skólanum sínum. Kennarinn fór yfir verkefnið og ákvað að birta mynd af broti úr verkefninu á samfélagsmiðlum.
„Udinese vann leikinn 4-1," stendur á myndinni.
„Eftir leikinn köstuðu leikmennirnir treyjum sínum upp í stúku og ein þeirra fór til mín, en fullorðin manneskja reif hana af mér og svo fórum við heim."
Udinese var ekki lengi að bregðast við myndinni og mun strákurinn heimsækja herbúðir Udinese eftir landsleikjahléið. Þar fær hann að hitta Emil og fá nýja treyju frá honum.
Athugasemdir