Vinnur Barcelona Meistaradeildina?
Andrés Iniesta setti upp fyrra mark Barcelona í kvöld þegar liðið vann 2-0 sigur gegn PSG og komst í undanúrslit Meistaradeildarinnar með samtals 5-1 sigri í einvíginu.
Undirbúningurinn var magnaður en í umræðunni hefur verið hversu mikið Spánverjinn hefur dalað, hann hefur til dæmis hvorki skorað né lagt upp í spænsku deildinni á þessu tímabili.
Undirbúningurinn var magnaður en í umræðunni hefur verið hversu mikið Spánverjinn hefur dalað, hann hefur til dæmis hvorki skorað né lagt upp í spænsku deildinni á þessu tímabili.
„Er ég kominn aftur? Ég fór aldrei neitt. Það var gaman að komast í undanúrslitin og þetta var frábært kvöld fyrir okkur alla," sagði Iniesta.
„Þetta var alls ekki auðvelt þrátt fyrir góða stöðu eftir fyrri leikinn. Við erum að toppa á réttum tíma á tímabilinu en við vitum að lítið má út af bregða."
David Luiz, varnarmaður PSG, átti mjög erfitt uppdráttar í einvíginu.
„Þeir voru einfaldlega betri en við í báðum leikjum," sagði Luiz. „Þeir stjórnuðu báðum leikjunum algjörlega og eiga skilið að fara áfram."
Markið sem Iniesta lagði upp:
Athugasemdir
