Craig Shakespeare, knattspyrnustjóri Leicester, starfaði með Appleton hjá West Bromwich Albion og eftir að hafa fengið nýjan þriggja ára samning hjá Leicester freistaði hann Appleton að koma og ganga í þjálfaralið sitt.

Appleton var ráðinn knattspyrnustjóri Oxford í júlí 2014 og náði að koma liðinu upp í ensku 2.deildina á annarri leiktíð sinni hjá félaginu þegar þeir enduðu í öðru sæti í ensku 3.deildinni á eftir Northampton Town.

Hinn 41 árs gamli Appleton, hefur einnig þjálfað Portsmouth, Blackpool og Blackburn.

„Möguleikinn á að flytja mig yfir til úrvalsdeildarfélags var eitthvað sem ég fann að ég gat ekki hafnað," sagði hann.

„Ég óska öllum hjá Oxford góðs gengis í framtíðinni og ég er viss um að það sé grundvöllur fyrir félagið til að ná árangri á næstu árum."