Watford er nálægt því að ná samkomulagi um kaup á enska U21-landsliðsmanninum Will Hughes frá Derby County.
Marco Silva, nýr knattspyrnustjóri Watford, býður Hughes möguleikann a því að spila í ensku úrvalsdeildinni og gengið verður frá samkomulagi á næstu dögum samkvæmt frétt Telegraph.
Hughes er í miklum metum en hann var aðeins 16 ára gamall þegar hann lék sinn fyrsta aðalliðsleik fyrir Derby.
Liverpool og Arsenal er meðal félaga sem hefur fylgst reglulega með Hughes á þeim sex árum sem hann hefur spilað á Pride Park.
Hughes er 22 ára og er í Póllandi núna með enska U21-landsliðinu sem er að keppa á Evrópumóti þess aldursflokks.
Athugasemdir