Breiðablik mætti í dag Köln í æfingaleik á Spáni. Breiðablik er í æfingaferð þar í undirbúningi sínum fyrir Bestu deildina á meðan Köln nýtti tækifærið og skellti sér til Spánar í landsleikjahléinu.
Köln er sem stendur í 17. sæti efstu deildar í Þýskalandi en þeir tóku forystuna í dag þegar Faride Alidou skoraði. Sá á að baki tíu U21 landsleiki fyrir Þýskaland og hefur á yfirstandandi tímabili skorað fjögur mörk í Bundesligunni.
Köln er sem stendur í 17. sæti efstu deildar í Þýskalandi en þeir tóku forystuna í dag þegar Faride Alidou skoraði. Sá á að baki tíu U21 landsleiki fyrir Þýskaland og hefur á yfirstandandi tímabili skorað fjögur mörk í Bundesligunni.
Forysta Köln lifði ekki lengi því Kristinn Steindórsson jafnaði áður en flautað var til hálfleiks, og var staðan 1-1 í leikhléinu.
Hinn 19 ára gamli Damion Downs kom Köln aftur í forystu eftir undirbúning frá David Selke, sem hefur spilað yfir 200 leiki í þýsku úrvalsdeildinni. En Blikar gáfust ekki upp og jafnaði Benjamin Stokke, nýr sóknarmaður Breiðabliks, metin áður en flautað var til leiksloka.
Það eru núna rúmlega tvær vikur í Bestu deildina en þessi úrslit ættu að gefa Blikum ágætis sjálfstraust þar sem Köln var með öflugt lið inn á vellinum.
Athugasemdir