Sóknarmaðurinn Cristofer Rolin er að ganga í raðir Þróttar í Reykjavík samkvæmt heimildum Fótbolta.net.
Rolin er þrítugur að aldri og er uppalinn á Spáni en hann á ættir sínar að rekja til Miðbaugs-Gíneu.
Rolin er þrítugur að aldri og er uppalinn á Spáni en hann á ættir sínar að rekja til Miðbaugs-Gíneu.
Hann hefur spilað á Íslandi frá 2019 en hann kom hingað fyrst til að spila með Skallagrími. Það sumar skoraði hann sjö mörk í 21 leik í 3. deildinni.
Hann fór svo í Sindra þar sem hann skoraði átta mörk í ellefu leikjum í sömu deild.
Rolin hefur undanfarin þrjú tímabil spilað með Ægi í Þorlákshöfn og hjálpaði hann liðinu að komast úr 3. deild og upp í Lengjudeildina. Í fyrra spilaði hann 16 leiki og skoraði eitt mark í Lengjudeildinni.
Þróttur hafnaði í áttunda sæti Lengjudeildarinnar á síðasta tímabili en Sigurvin Ólafsson tók við liðinu i vetur.
Athugasemdir