Það voru tveir Íslendingar sem spiluðu Championship-deildinni í dag, en leikirnir sem þeir spiluðu í enduðu báðir í markalausu jafntefli.

Aron Einar Gunnarsson, landsliðsfyrirliði Íslands, spilaði allan leikinn hjá Cardiff er liðið gerði markalaust jafntefli gegn Wigan. Aron Einar er lykilmaður hjá Cardiff, en hann gerði sigurmark á mánudaginn.

Annar landsliðsmaður, Jón Daði Böðvarsson, fékk seinni hálfleikinn hjá Wolves gegn Blackburn. Honum tókst ekki að láta að sér kveða.

Ragnar Sigurðsson og Hörður Björgvin Magnússon voru báðir allan tímann á bekknum hjá sínum liðum sem unnu sína leiki. Fulham, sem er í umspilssæti, vann Huddersfield og Bristol City hafði betur gegn Barnsley í hörkuleik.

Leeds virðist vera að gefa eftir í baráttunni um umspilssæti, en liðið þurfti að sætta sig við tap gegn Burton Albion í dag.