KSÍ hefur fengið styrk frá Alþjóða knattspyrnusambandinu, FIFA til átaksverkefnisins „Ekki tapa þér.“ Megintilgangur átaksins er til að fá foreldra til þess að nálgast leikinn á jákvæðan hátt og sýna leikmönnum og dómurum meiri virðingu. Skilaboðunum er þó líka beint til annarra áhorfenda á knattspyrnuleikjum yngri iðkenda.
Smelltu hér til að fara á heimasíðuna ekkitapa.is
Smelltu hér til að fara á heimasíðuna ekkitapa.is
,,Þetta er átaksverkefni sem heitir "Ekki tapa þér". Þetta vekur fólk til umhugsunar hvernig fólk hagar sér á knattspyrnuleikjum, sérstaklega hjá yngri iðkendum. Því miður höfum við verið varir við misjafna hegðun áhorfenda bæði hér á landi og erlendis sem getur haft slæma upplifun barna á leiknum. Við viljum vekja athygli á þessu og reyna koma í veg fyrir að börn upplifi leikinn á neikvæðan hátt með þessu framferði," sagði Þórir Hákonarson framkvæmdastjóri KSÍ aðspurður út í verkefnið. Hann segir að vandamálið sé til staðar og vonandi að þetta verkefni hjálpi til við að minnka vandamálið.
,,Þetta er ítrekað að koma upp í einstökum leikjum og mótum yngri flokka og ekki síður hefur þetta verið slæm upplifun fyrir unga dómara sem eru að stíga sín fyrstu skref í dómaraverkefnum. Við viljum reyna fá fólk til að haga sér vel á vellinum," sagði Þórir.
Viðtalið í heild sinni er hægt að sjá í sjónvarpinu hér að ofan.
Athugasemdir
