Atli Fannar kom til Víkings frá ÍBV í vetur en hann hefur einungis komið við sögu í einum leik í Pepsi-deildinni í sumar.

Atli er fæddur árið 1995 en hann lék með yngri flokkum Breiðabliks áður en hann fór til ÍBV fyrir síðasta tímabil.

Framarar fengu í morgun kantmanninn Kristján Atla Marteinsson frá Selfossi og félagið er í leit að frekari liðsstyrk.

Indriði Áki Þorláksson hefur meðal annars æft með Fram eins og kom fram á Fótbolta.net í gær.

Næsti leikur Framara er gegn Þór á heimavelli á laugardag en liðið er í tíunda sæti í 1. deildinni í augnablikinu.