Filipe Luis, leikmaður Atletico Madrid, setti mynd á Instagram af fæti sínum eftir 1-1 jafnteflið gegn Barcelona. Á myndinni má sjá blóðuga holu í fætinum en við hana skrifaði Filipe: „Hann snerti mig að minnsta kosti ekki!"
Sárið fékk hann eftir að hafa fengið að kenna á tökkunum undir Luis Suarez, sóknarmanni Barcelona.
Suarez gefur lítið fyrir kvartanar varnarmannsins.
„Fótbolti er fyrir karlmenn," sagði Suarez við blaðamenn eftir leik. „Það sem gerist á vellinum verður eftir þar."
„Ef allir myndu setja myndir af því sem gerist á vellinum á samskiptamiðla þá yrði íþróttin að fjölleikahúsi."
Athugasemdir