Þýska landsliðið verður með höfuðstöðvar sínar á EM í Frakklandi í námunda við Annecy þar sem íslenska liðið verður. Það er þó óvíst hvort miðjumaðurinn Bastian Schweinsteiger, leikmaður Manchester United, verði með á EM.
Schweinsteiger meiddist á hné á æfingu þýska landsliðsins í dag og tekur ekki þátt í komandi vináttulandsleikjum. Hann flaug til München í meðhöndlun en talið er líklegt að hann komi ekki meira við sögu með United þetta tímabilið.
Þá er hætta á að hann missi af sjálfu Evrópumótinu. Schweinsteiger er 31 árs en meiðsli hafa verið að leika hann grimmt á tímabilinu.
Heimsmeistarar Þýskalands eru að fara að leika áhugaverða vináttulandsleiki gegn Englandi og Ítalíu á næstu dögum. Leikurinn gegn Englandi er á laugardag.
Athugasemdir