Mikayil Faye, 19 ára gamall varnarmaður Barcelona, spilaði sinn fyrsta landsleik fyrir Senegal í gær og skoraði stórkostlegt mark í frumrauninni.
Faye hefur ekki enn spilað leik fyrir aðallið Barcelona en var samt sem áður í byrjunarliði Senegal þegar liðið vann Gabon 3-0 í æfingaleik í gær.
Hann skoraði annað mark leiksins undir lok fyrri hálfleiks. Hann stóð vel fyrir utan vítateiginn og boltinn barst til hans eftir aukaspyrnu hjá Senegal og hann lét vaða á markið.
Boltinn sveif yfir markvörð Gabon og fór í slána og inn. Sadio Mane skoraði þriðja og síðasta mark Senegal í leiknum.
Athugasemdir