Crystal Palace 3 - 1 Liverpool
0-1 Rickie Lambert ('2 )
1-1 Dwight Gayle ('17 )
2-1 Joe Ledley ('78 )
3-1 Mile Jedinak ('81 )
0-1 Rickie Lambert ('2 )
1-1 Dwight Gayle ('17 )
2-1 Joe Ledley ('78 )
3-1 Mile Jedinak ('81 )
Crystal Palace sigraði Liverpool með þremur mörkum gegn einu er liðin mættust á Selhurst Park í ensku úrvalsdeildinni í dag en heimamenn gengu á lagið og náðu í öll stigin á lokamínútum leiksins.
Enski framherjinn Rickie Lambert opnaði markareikninginn sinn fyrir Liverpool strax á 2. mínútu leiksins eftir sendingu frá Adam Lallana. Fyrsta mark Lambert í treyju Liverpool og gerði hann vel í markinu.
Dwight Gayle jafnaði metin fyrir Crystal Palace einungis fimmtán mínútum síðar en hann náði þá í frákastið eftir hörkuskot Yannick Bolasie sem fór í stöng.
Það leit allt út fyrir að Lambert kæmi til með að eiga frábæran dag eftir að hafa komið Liverpool yfir en hann klúðraði nokkrum dauðafærum í fyrri hálfleik. Simon Mignolet varði þá oft á tíðum vel.
Það kostaði Liverpool ansi mikið að nýta ekki færi sín í dag en Joe Ledley kom Crystal Palace yfir á 78. mínútu leiksins. Yannick Bolasie átti enn og aftur þátt er hann lagði boltann í teiginn á Ledley sem skoraði.
Heimamenn gerðu svo út um leikinn þremur mínútum síðar er Mile Jedinak skoraði þriðja markið. Það gerði hann beint úr aukaspyrnu, gullfallegt mark.
Lokatölur 3-1 Crystal Palace í vil en liðið er í fimmtánda sæti með 12 stig á meðan Liverpool er komið í tólfta sæti með 14 stig.
Þetta var fjórði tapleikur Liverpool í röð í öllum keppnum en svo virðist sem að Brendan Rodgers sé ekki að finna formúluna frá því í fyrra í liðinu.
Athugasemdir