Brasilíski sóknarmaðurinn Julio Baptista hefur samið við bandaríska úrvalsdeildarliðið Orlando City.
Þar hittir þessi 34 ára gamli framherji fyrir landa sinn, Kaka en sá síðarnefndi skoraði níu mörk í 28 leikjum í MLS deildinni á síðustu leiktíð.
Baptista á 47 landsleiki að baki fyrir Brasilíu en hann gerði garðinn frægan í Evrópu með Sevilla, Real Madrid, Arsenal, Roma og Malaga áður en hann hélt heim til Brasilíu og hjálpaði Cruzeiro að vinna deildina þar í landi árið 2014.
Orlando hefur fimm stig eftir þrjár umferðir í MLS deildinni en liðið fékk ítalska miðjumanninn Antonio Nocerino frá AC Milan skömmu fyrir tímabilið.
Athugasemdir