Stjarnan sigraði Val með tveimur mörkum gegn engu er liðin mættust í undanúrslitum Lengjubikars kvenna í gær en bæði mörkin komu á síðasta hálftímanum.

Rúna Sif Stefánsdóttir skoraði fyrra mark Stjörnunnar á 59. mínútu en hún var afar öflug í liði Stjörnunnar á síðustu leiktíð.

Ásgerður Stefanía Baldursdóttir, fyrirliði liðsins, skoraði þá síðara markið þegar um það bil tuttugu mínútur voru eftir af leiknum.

Lokatölur því 2-0 en Stjarnan er því komin í úrslitaleik Lengjubikarsins þar sem liðið mætir Breiðablik eða Þór/KA.