Ejub tók 4 stig í sumar gegn Íslandsmeisturum síðasta árs
Ejub Purisevic og lærissveinar hans í Víking Ólafsvík tóku á móti FH í dag í næst síðustu umferð Pepsi-deildar karla. Víkingar komust yfir í fyrri hálfleik en misstu leikinn niður í jafntefli þegar liðið gaf frá sér víti í síðari hálfleik þar sem Steven Lennon skoraði úr örugglega.
Lestu um leikinn: Víkingur Ó. 1 - 1 FH
Ejub sagði eftir leik í dag að hann hefði viljað fá 3 stig og segir að hann hafi verið með þá tilfinningu lengi í leiknum að sínir menn væru að fara landa því en það kom ekki að lokum.
Steven Lennon jafnaði fyrir FH úr vítaspyrnu. Atli Guðnason féll í teignum eftir snertingu frá Kwame Quee
"Ég bara veit ekki hvort þetta hafi verið víti. Væri gaman að fá að sjá þetta aftur. Þegar það koma svona stórar ákvarðanir þá er stundum bara best að segja sem minnst. Súrt ef þetta er víti og klaufalegt hjá mínum manni en ef þetta er rangur dómur þá er það ennþá súrara"
"Það er aldrei neitt gefið í Íslenskri knattspyrnu og við vitum það vel. Hvorki hjá okkur eða hjá Eyjamönnum gegn KA í síðustu umferð sem er gott"
Viðtalið má sjá í heild sinni hér fyrir ofan
Athugasemdir
