„Það er auðvitað hundfúlt að tapa eins og alltaf, sérstaklega á móti þessu liði,“ sagði Óli Stefán Flóventsson þjálfari Grindavíkur eftir 2-1 tap gegn KA í 21.umferð Pepsi-deildar karla í dag.
Lestu um leikinn: KA 2 - 1 Grindavík
„Það er týpískt að svona stór mistök sem við gerum varnarlega í dag skeri úr um hvort liðið vinni og tapi. Eftir svona stór mistök eins og við gerum í fyrri hálfleik þá er ég mjög ánægður með það hvernig þeir komu inn, héldu ró og skipulagi og voru með fulla stjórn á leiknum í seinni hálfleik.“
Öll mörk leiksins komu eftir lélegan varnarleik eða markvörslu og segir Óli Stefán að það sé vissulega áhyggjuefni hjá sínu liði.
„Ég hef stórar áhyggjur af þessu hjá mínu liði. Í þessari seinni umferð höfum við verið að fá allt of mikið af mörkum á okkur. Oft á tíðum eru þetta svona einstaklingsmistök og ég vil kalla þetta bara óþroska í okkar leik. Það er kannski eðlilegt, við erum komnir langt á stuttum tíma.“
Viðtalið við Óla Stefán má sjá í heild sinni hér að ofan.
Athugasemdir