Albert Brynjar Ingason var léttur eftir góðan sigur á Keflavík í Pepsi-deildinni þar sem Fylkismenn skoruðu þrjú mörk á útivelli og unnu öruggan 3-1 sigur.
Albert skoraði annað mark leiksins úr vítaspyrnu og sagði að liðið hafi aldrei misst trúna á því að sigra þennan leik þrátt fyrir að það hafi verið erfitt að koma boltanum í netið fyrstu 50 mínútur leiksins.
Albert skoraði annað mark leiksins úr vítaspyrnu og sagði að liðið hafi aldrei misst trúna á því að sigra þennan leik þrátt fyrir að það hafi verið erfitt að koma boltanum í netið fyrstu 50 mínútur leiksins.
Lestu um leikinn: Keflavík 1 - 3 Fylkir
„Við höfðum trú á þessu þó þetta hafi ekki dottið inn með okkur í fyrri hálfleik. Mér fannst við stýra leiknum algjörlega í fyrri hálfleik, það vantaði bara að setja tuðruna í netið," sagði Albert eftir leikinn.
„Við töluðum um það í hálfleik að ef við myndum halda svona áfram þá myndum við sigla þessum þremur stigum heim. Þetta var mjög svipaður leikur og gegn ÍBV þar sem við þurftum að bíða eftir fyrsta markinu. Ég er mjög ánægður með okkur að gefa ekkert eftir."
Ásgeir Börkur Ásgeirsson miðjumaður Fylkis fór meiddur af velli í fyrri hálfleik en Albert veit ekki hvort það sé alvarlegt og býst við að hann verði tilbúinn í næsta leik.
„Ég veit ekki alveg stöðuna á því. Ég held hann sé eitthvað stífur í náranum en við erum með svo frábæran sjúkraþjálfara að hann verður tilbúinn í næsta leik."
Athugasemdir