Davíð Snorri Jónasson, þjálfari U21 landsliðsins, hefur opinberað byrjunarlið sitt fyrir leikinn mikilvæga gegn Tékklandi á eftir. Leikurinn fer fram á Malsovicka Arena í Hradec Kralove og hefst hann klukkan 16:30. Bein útsending verður frá leiknum á aðalrás Sjónvarps Símans.

Frá fyrri leik Íslands og Tékklands á síðasta ári eru fjórar breytingar á íslenska liðinu. Andri Lucas Guðjohnsen, sem var fyrirliði í þeim leik, er með A-landsliðinu og þá er Eggert Aron Guðmundsson að glíma við meiðsli. Óskar Borgþórsson og Jakob Franz Pálsson detta einnig úr liðinu.

Inn í þeirra stað koma Anton Logi Lúðvíksson, Hilmir Rafn Mikaelsson, Davíð Snær Jóhannsson og Valgeir Valgeirsson.