Grindavík er nýliði í Pepsi-deild kvenna.
Kvennalið Grindavíkur var að semja við þrjá leikmenn. Grindavík er nýliði í Pepsi-deild kvenna og mætir með sterkt lið til leiks.
Anna Þórunn Guðmundsdóttir er fyrirliði Grindavíkur. Hún er uppalin hjá félaginu og á að baki fjölda leikja í gula búningnum.
Anna Þórunn Guðmundsdóttir er fyrirliði Grindavíkur. Hún er uppalin hjá félaginu og á að baki fjölda leikja í gula búningnum.
Hún framlengdi samning sinn ásamt Lindu Eshun. Eshun kemur frá Gana, en hún spilaði áður með Víkingi Ólafsvík hér á landi.
Þá hefur Grindavík fengið Berglindi Ósk Kristjánsdóttur frá Völsungi. Berglind hefur verið að æfa með Grindavík í vetur.
„Bjóðum við hana velkomna og óskum þeim öllum þremur góðs gengis í sumar," segir á Facebook-síðu Grindavíkur.
Grindavík er spáð sjöunda sætinu í Pepsi-deild kvenna af Fótbolta.net, en þær leika gegn Fylki í fyrstu umferð í kvöld.
Athugasemdir
