Rúrik Gíslason var í byrunarliði Nürnberg í fyrsta leik liðsins í þýsku 2. deildinni í kvöld.

Leikurinn var gríðarlega fjörugur og var boðið til markaveislu, en leikurinn endaði að lokum 6-3 fyrir Freiburg.

Rúrik, sem var að leika sinn fyrsta leik fyrir Nürnberg, fór af velli í hálfleik en þá var staðan 4-1 fyrir Freiburg.

Gestirnir náðu að minnka muninn í 4-3 í byrjun seinni hálfleiks, en Freiburg kláraði leikinn og bætti við tveimur mörkum og lokatölur því 6-3.