Víkingurinn Óttar Magnús Karlsson skoraði sigurmark Molde sem vann nauman sigur gegn Tromsö 2-1 í æfingaleik sem fram fór í dag.
Óttar lék allan leikinn fyrir Molde og kom liðinu í 2-0 á 34. mínútu. Tromsö minnkaði muninn fyrir hlé en ekkert var skorað í seinni hálfleiknum.
Óttar lék allan leikinn fyrir Molde og kom liðinu í 2-0 á 34. mínútu. Tromsö minnkaði muninn fyrir hlé en ekkert var skorað í seinni hálfleiknum.
Óttar varð tvítugur fyrr í þessum mánuði en hann gekk í raðir Molde eftir síðasta tímabil í Pepsi-deildinni þar sem hann vakti mikla athygli fyrir frammistöðu sína.
Björn Bergmann Sigurðarson lék með Óttari í framlínu Molde í fyrri hálfleik en þjálfari liðsins er Ole Gunnar Solskjær.
Keppni í norsku úrvalsdeildinni hefst 1. apríl og mætir Molde liði Kristiansund í fyrstu umferð.
Athugasemdir