Ítalski íþróttafréttamaðurinn Fabrizio Romano er maðurinn sem allir horfa til þegar það kemur að félagaskiptum en í dag tísti hann um íslenska landsliðsmanninn Albert Guðmundsson.
Albert hefur verið sjóðandi heitur með Genoa á tímabilinu og tók formið með sér inn í landsleikjaverkefnið.
Sóknarmaðurinn var að snúa aftur í landsliðið eftir margra mánaða fjarveru og sá stal senunni.
Hann skoraði þrennu í 4-1 sigrinum á Ísrael og gerði þá eina markið í 2-1 tapinu gegn Úkraínu. Tvö af mörkum hans voru tilnefnd sem flottasta mark umspilsins.
Fabrizio Romano greinir frá áhuga Alberti á X-síðu sinni í dag. Þar kemur fram að Genoa sé að búast við því að það komi tilboð í kappann en enn sem komið er hafa engin tilboð borist.
Genoa vill fá 25-30 milljónir evra fyrir Albert og er félagið þá opið fyrir því að fá leikmenn í skiptum.
Öll stórliðin á Ítalíu hafa áhuga á honum en Inter hefur verið hvað mest í umræðunni síðustu vikur.
???????? Genoa anticipate important bids for Albert Gudmundsson this summer after excellent season — but haven’t started concrete talks with any club yet.
— Fabrizio Romano (@FabrizioRomano) March 28, 2024
Price tag expected to be around €25/30m and Genoa could also be open to include players in the deal. pic.twitter.com/0pjOJkDD2t
Athugasemdir