Saul fagnar marki sínu í gær
Spænski miðjumaðurinn Saul Niguez var maður leiksins þegar Atletico Madrid vann 1-0 sigur á Bayern Munchen í undanúrslitum Meistaradeildar Evrópu í gærkvöldi.
Saul gerði eina mark leiksins eftir tíu mínútna leik og var það einkar laglegt.
„Ég kom mér framhjá tveim varnarmönnum og ætlaði mér að komast í skotfæri. Ég held að þetta sé besta mark sem ég hef skorað."
„Við verðum að þakka stuðningsmönnunum okkar fyrir að standa svo vel við bakið á okkur í kvöld."
„Bayern er mjög sterkt lið og seinni leikurinn verður erfiður. Nú verðum við samt að hugsa um deildina," sagði Saul.
Athugasemdir
