Sílemaðurinn virtist handleika knöttinn áður en hann skoraði framhjá Thibaut Courtois en Aaron Ramsey var í rangstöðu á meðan og töldu leikmenn Chelsea að hann hefði truflað spilið. Anthony Taylor, eftir að hafa ráðfært sig við aðstoðarmann sinn, dæmdi hinsvegar mark og voru Cahill og félagar ekki sáttir.

„Þetta eru augljóslega vonbrigði, við vildum enda tímabilið vel. Ég skil ekki af hverju dómarinn flautaði ekki í fyrra markinu," sagði hann í uppnámi eftir leik.

„Rangstöðureglan er fáránleg og þegar hendurnar eru svona hátt uppi, í óeðlilegri stöðu, þá hlýtur það að vera hendi. Við erum svekktir en við spiluðum heldur ekki nógu vel."