Courtois fékk Gullhanskann góða sömuleiðis en hann hélt hreinu 16 sinnum, oftar en allir aðrir í ensku úrvalsdeildinni. Belginn hefur vakið athygli Real Madrid fyrir frammistöður sínar en hann vill gjarnan skuldbinda sig Chelsea.

„Samningsviðræður eru ekki hafnar en ég er ánægður hjá Chelsea," sagði hann við Sky Sports eftir að Chelsea tapaði í úrslitaleik enska bikarsins gegn Arsenal í gær.

„Ég vona að þeir verðlauni mig með góðum saming, þá mun ég skrifa undir; ekki spurning."

Courtois er 25 ára Belgi en hann hefur verið samningsbundinn Chelsea frá árinu 2011, hann var hinsvegar á láni hjá Atletico Madrid í þrjú tímabil áður en hann gerðist aðalmarkvörður Chelsea 2014.