Lestu um leikinn: KR 2 -  2 FH

Kristján Flóki Finnbogason kom FH-ingum yfir undir lok fyrri hálfleiks áður en Óskar Örn Hauksson jafnaði í byrjun þess síðari en Atli Guðnason kom FH-ingum aftur yfir eftir skallasendingu frá Kassim Doumbia.

Arnór Sveinn Aðalsteinsson jafnaði metin og hefur FH ekki enn unnið deildarleik frá því í fyrstu umferð gegn ÍA.

Heimir var nokkuð sáttur með leik sinna manna og sagði liðið hafa bætt sig frá síðasta leik.

„Ég held það. Þetta var hörkuleikur tveggja góðra liða og jafntefli eru sanngjörn úrslit," sagði Heimir.

FH spilaði 4-3-3 í kvöld með Steven Lennon í holunni. Liðið hefur spilað með þriggja manna vörn í byrjun móts en það hefur verið mikið gagnrýnt.

„Mér fannst það koma ágætlega út. Við vildum koma KR-ingum á óvart og mér fannst á köflum þar sem við máttum halda boltanum betur innan liðsins, það voru ákveðnar opnanir sem við náðum ekki að nýta okkur nógu vel en klaufagangur í öðru markinu að ná ekki að hreinsa boltanum í burtu og klára þessu af okkur."

„Það er framför hjá liðinu miðað við þann leik og við höfum eitthvað til að byggja á."

„Liðsheildin var fín og menn voru tilbúnir að hjálpa hvorum öðrum og það er ágætt. Það sýndi sig ekki í þessum leik og við þurfum bara að halda áfram," sagði hann í lokin.