Grindavík hefur farið vel af stað í Pepsi deildinni í sumar en liðið hefur unnið tvo, gert eitt jafntefli og tapað einum í fyrstu fjórum umferðunum. Í kvöld koma ósigraðir Valsarar í heimsókn og vill Óli Stefán ekki sjá það að gestirnir yfirtaki stúkuna á Grindavíkurvelli.

„Það er óþolandi að stuðningshópar annara liða komi hingað á okkar heimavöll, stúkuna okkar, og eigni sér hana. Það fer vel um þá og þeir fá ekki einu sinni mótspyrnu frá okkar fólki," sagði Óli í opnu bréfi til stuðningsmanna Grindavíkur.

„Á morgun koma sigurvissir Valsarar. Það mæta hundruðir Valsara á þennan leik og þeir ætla að lita okkar stúku RAUÐA! Þeir koma með læti og verða þeirra kraftur á morgun."

„Til þess að okkar draumur um þrjú stig verði að veruleika þurfa strákarnir hjálp frá okkar fólki. Við þurfum fólk litað í gulu með læti í stúkuna svo að þessi leikur verið ekki eins og heimaleikur fyrir Val."

Smelltu hér til að lesa bréf Óla í heild sinni.