Kvennalið Breiðabliks hefur orðið fyrir áfalli því Hildur Sif Hauksdóttir, leikmaður liðsins, er meidd og óttast er að hún hafi slitið krossband.
Hildur Sif meiddist á æfingu fyrir skemmstu og var strax óttast að krossbandið hafi slitnað.
Miklar bólgur hafa komið í veg fyrir að myndatökur geti staðfest krossbandaslit en þó er ljóst að hún verður frá í einhvern tíma.
Ef um krossbandaslit er að ræða er þetta ekki í fyrsta sinn sem slíkt gerist hjá Hildi en hún sleit krossband árið 2011.
Hún spilaði 17 leiki með liðinu í fyrra þegar Breiðablik varð Íslandsmeistari og spilaði fjóra fyrstu leiki liðsins í sumar.
Athugasemdir