Stefanía Valdimarsdóttir hefur samið við Aftureldingu og mun leika áfram með liðinu í Pepsi-deildinni næsta sumar.
Stefanía kom til liðs við Aftureldingu í vor og lék alls 15 leiki í Pepsi-deildinni og skoraði fjögur mörk.
Hún sem er uppalin hjá Breiðabliki var snemma talin efnileg á fótboltavellinum og á meðal annars 7 leiki með U17 kvennalandsliðinu fyrir nokkrum árum áður en hún sneri sér að frjálsum íþróttum þar sem hún varð m.a. Norðurlandameistari unglinga í 400 metra grindahlaupi svo eitthvað sé nefnt.
En fótboltinn kallaði og Stefanía gekk til liðs við Aftureldingu í vor sem fyrr segir og hefur nú samið við félagið að leika með þeim næsta tímabil.
Athugasemdir