Einn leikur fór fram í dönsku úrvalsdeildinni í dag, en það var leikur Randers og lærisveina Ólafs Kristjánssonar í Nordsjælland.

Hinn pólski Piotr Parzyszek kom Randers yfir á 27. mínútu og var staðan 1-0 í hálfleik, Randers í vil.

Nordsjælland reyndu hvað þeir gátu að jafna í seinni hálfleik, en það tókst ekki og 1-0 sigur Randers því staðreynd.

Guðmundur Þórarinsson lék í 84 mínútur í dag í liði Nordsjælland, sem er nú í sjöunda sæti með 22 stig.