Ásgeir vildi meina að mark Gróttu hefði ekki átt að standa.
„Já þetta eru alls ekki úrslitin sem við ætluðum okkur hér í dag. Við vorum með boltann 98% af leiknum, sköpuðum okkur nóg af færum og fáum ekki á okkur skot en fáum á okkur mark. " sagði Ásgeir Þór Ingólfsson, fyrirliði Grindavíkur, eftir 1-0 tap sinna manna gegn Gróttu á Seltjarnarnesi í kvöld.
Lestu um leikinn: Grótta 1 - 0 Grindavík
„Við fáum tvö mjög góð færi áður en þeir skora og jú, jú smá kjaftshögg en mér fannst við halda áfram. Þetta er alltaf sama gamla klisjan, við erum því miður ekki að nýta færin okkar, við fáum nóg af færum, markmaðurinn þeirra ver tvisvar vel úr horni en bara flottur vinnusigur hjá þeim."
Mark Gróttu var umdeilt en Grindvíkingar vildu meina að boltinn hefði ekki farið yfir línuna. Rúna Kristín Stefánsdóttir, aðstoðardómari, var viss í sinni sök og flaggaði mark.
„Boltinn var bara ekki inni, held ég. Þú sérð viðbrögðin hjá okkur ég sé ekki af hverju við ættum að vera brjálaðir ef boltinn er inni."
Ásgeir ræddi svo um gula spjaldið sem hann fékk fyrir mótmæli og það að Grindvíkingar væru að skrá sig úr toppbaráttunni. Viðtalið má sjá í heild sinni að ofan.
Athugasemdir
