Kolbeinn á æfingu íslenska landsliðsins í Noregi í dag.
„Við erum loksins komnir saman og nú er fyrsta æfing. Það er gaman að við erum allir komnir saman," sagði Kolbeinn Sigþórsson framherji íslenska landsliðsins á Billett leikvangnum í Osló í dag þar sem liðið æfði fyrir leikinn gegn Noregi á miðvikudaginn.
Kolbeinn hefur sjálfur verið að ná sér eftir meiðsli í hné en segist vera óðum að komast í fullt form.
„Ég er mjög góður, ég hef verið að æfa vel í síðustu viku og gengur mjög vel," sagði Kolbeinn.
„Ég reyni að stefna á að koma mér hægt og sígandi í fulla æfingu. Hingað til hefur það gengið mjög vel og ég er mjög bjartsýnn á þetta."
„Vonandi verð ég 100% í Frakklandi, ég tek þetta frá degi til dags og geri ráð fyrir því."
Nánar er rætt við Kolbein í sjónvarpinu hér að ofan.
Athugasemdir
