Fyrirliði Fylkis, Ásgeir Börkur Ásgeirsson þurfti að sætta sig við eitt stig úr leik liðsins gegn ÍA á heimavelli í kvöld.
Fylkisliðið hefur einungis unnið tvo sigra í níu leikjum á heimavelli í sumar. Sem er afspyrnu léleg tölfræði.
Fylkisliðið hefur einungis unnið tvo sigra í níu leikjum á heimavelli í sumar. Sem er afspyrnu léleg tölfræði.
Lestu um leikinn: Fylkir 0 - 0 ÍA
„Þetta er helvíti súrt að geta ekki drullast til að vinna leikina hér heima," sagði Ásgeir sem var að mörguleyti sáttur með spilamennsku liðsins í leiknum.
„Við vorum að halda boltanum ágætlega en vorum ekkert að skapa okkur aragrúa af færum en að mínu viti fengum við þrjá deddara (dauðafæri)."
„Það hefur verið vandamál okkar þegar við erum að spila á móti liðunum fyrir neðan okkur, þá höfum við verið að ströggla. Mér fannst við halda boltanum ágætlega en náðum ekki að koma honum í netið."
Fylkisliðið fékk helling af aukaspyrnum í leiknum sem liðið nýtti sér enganveginn. Eitthvað sem menn hljóta að klóra sér í hausnum yfir.
„Ég hef verið að æfa aukaspyrnunar á æfingum og ég býst við að fá að taka þær í næsta leik. Ég veit ekki hvað er að. Þetta hefur verið svona í allt sumar. Aukaspyrnurnar hafa ekki nýst okkur, utan af velli og rétt fyrir utan teiginn."
Viðtalið í heild sinni við Ásgeir Börk er hægt að sjá í sjónvarpinu hér að ofan.
Athugasemdir