Mun betra lið en Breiðablik í dag og var stærð sigursins nokkuð verðskulduð.

Höskuldur með skot í varnarmann. Belgarnir sækja og Gift Orban reynir skot frá miðju. Það fer framhjá.

Davy Roef fer í rétt horn og ver spyrnu fyrirliðans í stöngina og handsamar svo boltann!

Frábært spil og Höskuldur er felldur innan vítateigs.

Anton Ari stálheppinn. Reynir að koma boltanum yfir Orban inn á vítateig en boltinn fer í höfuðið á sóknarmanninum og blessunarlega fyrir Anton fer boltinn yfir markið.

Gift Orban með skot úr teignum en það fer framhjá fjærstönginni. Fínasta færi.

Blikar fá hornspyrnu, hún er tekin stutt og Höskuldur reynir skot úr teignum í kjölfarið. Skotið fer í varnarmann og Belgarnir koma boltanum í burtu.

Damir reynir bjartsýnistilraun úr aukaspyrnu af eigin vallarhelmingi. Svo sem ekkert að þessu. Davy Roef var hins vegar nægilega mikið á tánum til að handsama þennan bolta.

Dómarinn staðsettur beint fyrir hlaup Antons Loga sem komst ekki lengra. Gent var í sókn og þarna myndaðist opnun á miðjunni. Belgarnir náðu ekki að nýta sér hana.

Höskuldur með skotið framhjá veggnum en beint í hendurnar á Davy Roef.

Anton Logi kemst fram fyrir leikmann Gent og vinnur aukaspyrnu rétt við vítateig Belganna. Damir líklegastur en Höskuldur einnig klár að taka.

Jason Daði í fínni stöðu úti hægra megin en nær ekki að koma sér framhjá Archie Brown. Þetta hefur ekki alveg verið leikurinn hans Jasons í dag, eiginlega alltaf séð hann komast oftar framhjá sínum andstæðingum.

Fofana með skot úr þröngu færi sem Anton Ari ver og fær svo boltann aftur eftir skalla frá Damir.

Kristinn Steindórsson er að gera sig kláran að koma inn.

Jason Daði nær að setja pressu á Davy Roef í markinu og hann sparkar boltanum í innkast. Ekki oft sem pressa Breiðabliks hefur borið ávöxt í leiknum, en þarna gerði hún það.

Fínasta sókn hjá Gent sem endar með skoti frá Gift Orban framhjá marki Breiðabliks.

Tarik Tissoudali með skot við vítateiginn sem Anton Ari ver til hliðar. Þar er Tarik Tissoudali mættur í frákastið en tilraun hans fer yfir mark Blika.

Gísli reynir að finna Davíð í hlaupinu við vítateiginn en Brian Agbor verst vel. Blikar eiga innkat hátt uppi á vellinum. Í kjölfarið á Gísli fyrirgjöf sem er of há fyrir Klæmint inn á teignum.

Anton Ari með boltann aftast og fær Tarik í sig í pressu. Tarik kemst í boltann en hann fer aftur fyrir.

Ofboðslega gaman að horfa á Anton Loga spila. Óhræddur að taka snúninga og nýta hreyfingarnar sem hann býr yfir þó að það sé aftarlega á vellinum.

Flott aukaspyrna hjá Höskuldi en markvörður Belgana sér við honum og ver.

Anton Logi með geggjaðan snúning á eigin vallarhelmingi. Jason Daði fær boltann frá Viktori Karli en nær ekki að komast inn á vítateiginn. Blikar halda boltanum og Gísli vinnur aukaspyrnu svona þremur metrum fyrir utan D-bogann.

Tarik Tissoudali fær boltann á sprettinum og er með mikið pláss. Damir selur sig við gabbhreyfingu og Tarik er kominn í hörku færi. Hann reynir að vippa yfir Anton en Anton stendur og ver boltann aftur fyrir.

Anton Logi leikur á Matisse Samoise sem liggur eftir í kjölfarið. Dómari leiksins stöðvar leikinn, grunaði sennilega að meiðslin væru alvarleg. Anton hefði alveg verið til í að fá að halda spretti sínum áfram.

Gísli Eyjólfsson hittir boltann ágætlega fyrir utan vítateig Gent en því miður fer skotið beint á Davy Roef í markinu.

Fofana á sprettinum úti vinstra megin og lætur vaða úr þröngu færi. Anton Ari gerir vel að standa og verja. Færið kom eftir hraða sókn þar sem Blikar áttu innkast hátt uppi á vellinum rétt á undan.

Anton Logi var mikið að falla niður við Viktors Arnar til að mynda þriggja manna miðvarða línu, hvort sem það var til að halda þriggja manna línu eða vera með annan af framherjum Gent. Belgarnir eru að spila einhvers konar 3-4-1-2 með vængbakverði sem kannski kom Blikum á óvart. Fofana er í frjálsu hlutverki fyrir aftan Tarik Tissoudali og Hugo Cuypers.

4-0 í hálfleik og forystan er nokkuð verðskuldað miðað við gang mála. Gent er að spila mun betur og er sýnilega með meiri einstaklingsgæði í sínum röðum. Það var alveg gefið að Gent væri með betra fótboltalið en Breiðablik. Með því að fá mark á sig snemma gera Blikar sér lífið erfitt og erfiðara að koma Belgunum úr jafnvægi. Holan er mjög djúp. Fyrsta markið mjög slæmt, frír skalli eftir horn. Það má ekki.

Gísli Eyjólfsson með skot yfir mark Belganna. Tilraunin fyrir utan vítateig.

Jason Daði í ágætri stöðu úti á hægri kantinum en nær ekki að finna samherja inn á teignum með fyrirgjöf sinni.

Gent skoraði mark í kjölfar sóknar Breiðabliks en mark Tarik Tissoudali telur ekki. Rangstaða.

Góð sókn hjá Blikum endar með því að Viktor Karl á þrumuskot við vítateiginn sem fer því miður í Klæmint inn á teignum! Sá ekki alveg hvort þessi var á leiðinni á markið, hefði steinlegið ef þetta hefði ratað á markið.

Kums lék sér í kringum Jason Daða og fann Fofana sem lét vaða við vítateiginn. Anton Ari ver og nær til frákastsins áður en Kums kemst í boltann.

Stuðningsmenn Blika mega eiga það að það heyrist nokkuð vel í þeim áfram þó að staðan sé svört.

Jason Daði gerir sig líklegan í vítateig heimamanna en nær ekki að koma boltanum áfram á næsta mann eða á markið.

Talningin hjá Blikum er eitthvað skrítin. Davíð Ingvars er að elta sinn mann (Matisse Samoise), Anton Logi er með sinn mann (Malick Fofana) en svo eru menn að lenda í því að missa af mönnum og þá fer allt í skrúfuna.

Omri Gandelman fær boltann við fjærstöngina en nær ekki að koma boltanum á mark Blika. Fjórða markið liggur í loftinu...

Nauðvörn hjá Viktori Erni. Löng sending inn fyrir úti hægra megin hjá Gent og Viktor Örn þarf að renna sér í boltann og koma honum aftur fyrir.

Höskuldur með bendingar til liðsfélaga sinna eftir þriðja markið. Davíð Ingvars og Oliver eiga einnig í einhverjum samræðum. Belgarnir hafa refsað þegar þeir hafa fengið færi á því.

Jason Daði með fyrirgjöf af hægri vængnum sem fer beint í hendurnar á Roef í markinu.

Viktor Karl með aukaspyrnu úti á hægri vængnum en boltinn stoppar á fyrsta manni við vítateig. Svekkjandi að fá ekkert úr þessu.

Gísli Eyjólfsson gerir vel, kemur sér í fínt skotfæri en skotið fer í varnarmann og til Davy Roef í markinu.

Anton Ari ver skot frá Tarik Tissoudali sem var í góðu færi. Dreif sig kannski full mikið að skjóta þarna og skotið beint á Anton.

Hugo Cuypers með tilraun úr vítateig Breiaðbliks en skotið fer yfir. Vonandi að þetta mark heimamanna slái ekki Breiðablik alveg út af laginu.

Spyrnan tekin stutt og Jason Daði kemur með góða fyrirgjöf, finnur Viktor Örn en skottilraun hans fer rétt framhjá fjærstönginni!

Archie Brown með góða fyrirgjöf á fjær en Tarik Tissoudali hittir ekki markið af stuttu færi.

Langt frá því að vera þéttsetinn völlurinn og að heyrist nokkuð vel í Blikum í stúkunni.

Blikar í hvítu og Gent í bláu!

Davíð Ingvars: Aldrei verið á jafngóðum velli https://t.co/VwkGQRO4Z5

— Fótbolti.net (@Fotboltinet) October 26, 2023

Alexander Helgi Sigurðarson varð fyrir því óláni að fá magakveisu í aðdraganda leiksins og er því ekki í leikmannahópi Breiðabliks í dag.

Alexander veiktist og er því ekki með https://t.co/F2wDWdW5nf

— Fótbolti.net (@Fotboltinet) October 26, 2023

Svona stillir Hein Vanhaezebrouck upp liði Gent.

Það verður seint sagt að þeir sem veðja á sigur Gent fái mikla margföldun á sinn pening í veðbönkum. Í einum veðbanka er stuðullinn 1,13 á sigur Gent en stuðull á sigur Breiðabliks 19.

Dagur Dan Þórhallsson, fyrrum leikmaður Breiðabliks, lék á sínum tíma með unglingaliði Gent. Þar lék hann með Jonathan David sem er í dag liðsfélagi Hákonar Arnars Haraldssonar hjá Lille. Einar Þór Daníelsson, Einsi Dan, fór á láni til Gent fyrri hluta árs 1997 frá KR.

Fyrrum landsliðsþjálfarinn, Arnar Þór Viðarsson, var í sumar ráðinn sem þjálfari U21 liðs Gent, Jong Gent. Sonur Arnars, Viktor Nói Viðarsson, er sextán ára miðjumaður sem spilar með unglingaliðinu.

Dóri gerir tvær breytingar á liðinu sem mætti Zorya Luhansk í síðustu umferð riðlakeppninnar. Davíð Ingvarsson kemur inn fyrir Kristin Steindórsson og Oliver Sigurjónsson byrjar í stað Alexanders Helga Sigurðarsonar. Alexander er ekki í hópnum hjá Blikum.

   26.10.2023 11:00

„Trúi ekki öðru en að hann muni gera stórkostlega hluti þarna líka"

   26.10.2023 10:22

Þjálfari Gent búinn að vara leikmenn sína við Breiðabliki

   25.10.2023 23:25

Alltaf litið á sig sem aðalþjálfara - „Ákvað að vera ekki að rembast við það"

   25.10.2023 20:26

Höskuldur ánægður að Dóri tók við: Eina rökrétta atburðarásin

   25.10.2023 18:32

Dóri verið busy: Markmiðið er að taka stig í eintölu eða fleirtölu

   25.10.2023 16:06

Þrír Blikar tæpir fyrir leikinn á morgun

   25.10.2023 22:00

Dóri um KR: Þreifingar en fór ekki í neinar viðræður

   26.10.2023 12:04

Davíð Ingvars: Aldrei verið á jafngóðum velli

   26.10.2023 12:23

„Þetta er það sem maður hefur horft á í sjónvarpinu frá því maður var lítill"

   25.10.2023 17:45

Höskuldur ánægður að fá aukið andrými - „Þá eigum við sannarlega séns á að gera eitthvað"

   22.10.2023 16:30

Breiðablik vann í Glasgow

Aðaldómari: Robertas Valikonis. Aðstoðardómarar: Vytenis Kazlauskas og Benas Kikutis. Fjórði dómari: Donatas Šimenas. Myndbandsherbergi: Pawel Malec og Pawe? Raczkowski frá Póllandi. Robertas Valikonis á milli þeirra Maurizio Sarri og Brendan Rodgers.

Árið 2000 mætti Gent liði ÍA í undankeppni UEFA Cup. Liðið vann fyrri leikinn 3-2 á heimavelli og seinni leikinn 3-0 á Íslandi. Haraldur Hinriksson kom ÍA yfir í fyrri leiknum og eftir að Belgarnir jöfnuðu í 1-1 kom Kári Reynisson ÍA aftur yfir. Gent náði hins vegar að klára dæmið í seinni hálfleik og gekk svo frá ÍA í seinni leiknum.

Af Blikar.is Hófu leik í 2. umferð undankeppni Sambandsdeildarinnar. Lið Gent vinnur lið Zilina samanlagt 10:3 (5:1 og 5:2). Vinna Pogon Szczecin í 3. umferð samanlagt 6:2 (5:0 og 1:2). Leggja APOEL í play-offs samanlagt 4:1 (2:0 og 2:1). Gent liðið er með 4 stig í riðlinum eftir 2 leiki. Byrjuðu á að gera 1:1 jafntefli gegn Zorya Luhansk á útivelli en vinna svo 2:0 sigur á Maccabi Tel Aviv á heimavelli. Heimavöllurinn

Af Blikar.is: Forkeppni & Undankeppni - Meistaradeild Í júní þegar dregið var í forkeppni Meistaradeildarinnar kom liðið Tre Penne frá San Marínó upp úr pottinum sem fyrsti andstæðingur Breiðabliks í forkeppni Meistaradeildarinnar. Forkeppnin fór fram á Kópavogsvelli dagana 27. & 30. júní 2023. Leikurinn við San Marínó liðið var í undanúrslitum. Breiðablik vann leikinn við San Marínó liðið 7:1 og spilaði því úrslitaleikinn gegn Budu?nost Podgorica frá Svartfjallalandi. Blikar unnu leikinn gegn þeim 5:0 og tryggðu sér þar með sæti í undankeppni Meistaradeildarinnar. Breiðablik mætti svo írsku meisturunum Shamrock Rovers í 1.umf í undankeppninni og strákarnir gerðu sér lítið fyrir og slógu þá írsku út með 0:1 sigri í Dublin og 2:1 sigri á Kópavogsvelli. Blikar mættu dönsku meisturunum FC Copenhagen í 2. umfeð. FCK vann báða leikina: 0:2 á Kópavogsvelli og 6:3 á Paken í Kaupmannahöfn. Undankeppni - Evrópudeild Blikaliðið tók þátt í 3. umferð undankeppni Evrópudeildarinnar og mætti þar Zrinjski frá Mostar í Bosníu-Hersegóvínu. Fyrri leikurinn í Mostar lauk með stórsigri heimamanna 6:2. Seinni leikurinn var á Kópavogsvelli og lauk með 1:0 sigri okkar manna. Zrinjiski vann einvígið samanlagt 6:3 en Breiðabliksliðið komið í umspil um sæti í riðlakeppninni. Umspil (play-offs) - Sambandsdeild Blikamenn mættu FC Struga frá N. Makedóníu í tveimur umspilsleikjum um sæti í riðlakeppni Sambandsdeildar Evrópu tímabilið 2023/24. Fyrri leikinn gegn Struga, sem leikinn var á Biljanini Izvori vellinum Í Ohrid í N. Makedóníu 24. ágúst, unnum við 0:1. Seinni leikurinn fór fram á Kópavogsvelli viku síðar. Sá leikur vannst einnig 1:0 og Breiðablik þar með búið að trygga sér sæti í riðlakeppni Sambandsdeildar Evrópu keppnistímabilið 2023/24.

Fyrr í dag hélt Hákon Sverrisson, yfirþjálfari yngri flokka hjá Breiðabliki, fund með þeim stuðningsmönnum Breiðabliks sem mættir eru til Gent. Þar fór hann yfir plan liðsins í leiknum. Eftir því sem ég kemst næst þá verða rúmlega 100 Blikar á Ghelamco Arena í kvöld.

Hákon Sverris að fræða stuðningsmenn Blika í Belgíu um hvernig Breiðablik er að nálgast leikinn???????? pic.twitter.com/l8c46D5MO2

— Breiðablik FC (@BreidablikFC) October 26, 2023

Góðan daginn lesendur kærir og veriði velkomnir í beina textalýsingu frá leik Gent og Breiðabliks í 3. umferð riðlakeppni Sambandsdeildarinnar. Leikurinn hefst klukkan 18:45 að staðartíma en 16:45 að íslenskum tíma. Fyrir leikinn er Gent í toppsæti með fjögur stig en Breiðablik er án stiga eftir fyrstu tvo leiki sína.