Fótbolti.net

Venni: Ég get ekkert farið að sparka í ruslatunnur eða urðað yfir menn

Hemmi hafði ekki tíma í að einbeita sér að leiknum - „Það voru allir að biðja um skiptingu"

Liam Daði: Við stefnum á Laugardalsvöll og það er ekkert flókið

Karl Ágúst talar um hátt spennustig - „Allt undir á sunnudaginn"

Haraldur Freyr: Það er bara hálfleikur í þessu

Gunnar Heiðar um rauða spjald Diouck: Leiðinlegt að þurfa að fara í einhvern svona leik

Magnús Már: Það er gjörsamlega óásættanlegt

Viktor Jóns: Tók eftir því strax í vetur hvað býr í þessum gæja

Damir: Það er enginn skjálfti

Láki: Þetta réðst ekki hér

Lárus Orri kjarnyrtur „Berjast fyrir þessu og fara í svolítið fuck you mode"

Dóri Árna: Það er alveg rétt að stigasöfnun hefur verið rýr í síðustu deildarleikjum

Breki Baxter: FH leikurinn situr núna í okkur

Gummi Kristjáns léttur: Er að spila alltof aftarlega á vellinum

Túfa hefur ekki áhyggjur - „Alvöru menn taka mótlætið á kassann“

„Ekkert að rífa okkur upp til skýja fyrir að vinna Val hérna“

Valdimar Þór: Þurftum ekkert að elta þá út um allt

Sölvi eftir stórsigur á Meistaravöllum: Líst mjög vel á þetta gras hér í KR

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Davíð Smári: Ósáttur með að við skulum gleyma fyrir hvað við stöndum

fim 26. október 2023 12:04

Sæbjörn Þór Þórbergsson Steinke
Gent

Davíð Ingvars: Aldrei verið á jafngóðum velli

Tók smá tíma að komast í gang eftir aðgerðina

Mynd: Fótbolti.net - Hafliði Breiðfjörð

Mynd: EPA

„Við höfum tekið góða vídeófundi og skoðað þá nokkuð vel. Þeir eru stórhættulegir, eru mjög gott lið og við megum ekki gefa þeim mikið pláss og tíma. Við ætlum að reyna að ýta vel á þá en vera skynsamir á sama tíma varnarlega," sagði Davíð Ingvarsson, leikmaður Breiðabliks, við Fótbolta.net.

Framundan er leikur gegn Gent í riðlakeppni Sambandsdeildarinnar. Leikurinn hefst klukkan 16:45 og verður í beinni textalýsingu á Fótbolta.net.

„Við verðum að einblína á okkar leik, keyra á þá, negla þá og getum þannig brotið þá niður," sagði Davíð. Gent hefur ekki unnið í síðustu fjórum leikjum sínum í Belgíu og hefur þjálfari Gent áhyggjur af því. Síðasti sigurleikur liðsins var gegn Maccabi Tel Aviv í 2. umferð riðlakeppninnar.

„Það er einn ungur leikmaður á vinstri kantinum sem þarf að stoppa. Þetta eru allt góðir leikmenn, það er samt ekki bara einn sem þarf að stoppa, eru allir stórhættulegir."

Davíð gæti verið að tala um Malick Fofana. Hann er átján ára vængmaður og er hann belgískur U21 landsliðsmaður.

Blikar æfðu á heimavelli Gent í gær. Mannvirkið er glæsilegt og tekur völlurinn 20 þúsund manns í sæti.

;,Geðveikt, þetta er algjört teppi. Ég hef aldrei verið á jafngóðum velli held ég. Umgjörðin í kring, mjög góð, völlurinn flottur að utan og innan. Ég er mjög spenntur fyrir þessum leik."

Davíð hefur aðeins glímt við meiðsli á þessu ári. „Staðan er bara góð. Ég fór í aðgerð fyrir tímabilið og það tók smá tíma að koma mér almennilega í gang eftir það. Ég missteig mig aðeins í Víkingsleiknum en það var ekki eins alvarlegt og fyrri meiðsli. Ég er hægt og rólega búinn að koma mér inn í hlutina og er að finna mitt gamla stand."

Svekktur að hafa ekki spilað meira? „Að hluta til já. En það er ekkert sem ég get gert í því, það er bara að halda áfram."

Hvaða væntingar geriru til leiksins í kvöld?

„Að við gefum okkar allra besta. Við ætlum að reyna ná í stig eða þrjú," sagði Davíð.

Viðtalið í heild má sjá í spilaranum efst. Davíð ræðir þar einnig um sína mögulega varðandi næsta skref á ferlinum.