Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24392 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Samantha Leshnak Murphy, fyrrum markvörður Keflavíkur, hefur samið við sænsku meistarana í Rosengård. Hún er að snúa aftur í sænskan fótbolta en hún spilaði með Piteå 2023 og 2024. Undanfarna mánuði hefur hún leikið með Carolina Ascent í Bandaríkjunum.
Enski miðvörðurinn Rob Holding er genginn í raðir Colorado Rapids í Bandaríkjunum. Holding mun því spila í sama landi og kærasta hans, landsliðskonan Sveindís Jane Jónsdóttir sem spilar fyrir Angel City. Þess má geta að það tekur um tvo tíma að fljúga frá Los Angeles til Colorado.
Brasilíski miðjumaðurinn Lucas Paqueta hefur verið sýknaður í máli sínu gagnvart enska fótboltasambandinu. Paqueta var á síðasta ári ákærður af enska fótboltsambandinu fyrir brot á veðmálareglum. Hann var sakaður um að hafa fengið viljandi áminningar til að hafa áhrif á veðmál.
Alfreð Finnbogason hefur fengið félagaskipti yfir í Augnablik, venslafélag Breiðabliks. Alfreð lagði skóna á hilluna í fyrra eftir glæstan feril en það er spurning hvort að hann muni dusta rykið af þeim til að leika sér með Augnabliki í 3. deildinni.
Chelsea hefur lánað hinn bráðefnilega Kendry Paez til Strasbourg út komandi keppnistímabil. Chelsea og Strasbourg eru í eigu sömu aðila og þarna fara margir leikmenn á milli. Markvörðurinn Mike Penders er líka á láni hjá Strasbourg frá Chelsea.
Nottingham Forest hefur fest kaup á kantmanninum Dan Ndoye frá Bologna fyrir 34 milljónir punda. Napoli hafði einnig áhuga á Ndoye en hann var spenntari fyrir því að fara í ensku úrvalsdeildina og ákvað að skrifa undir hjá Forest.
Vestri hefur fengið vængmanninn Johannes Selvén frá Utsiktens BK í Svíþjóð. Utsiktens spilar í B-deildinni (Superettan) og mun Selvén gera þriggja ára samning samkvæmt tilkynningu frá Ísafirði.
Markvörðurinn Arnar Freyr Ólafsson er kominn til KR þar sem hann mun keppa um stöðuna í marki Vesturbæjarliðsins við Halldór Snæ Georgsson.
Franski miðjumaðurinn Thomas Lemar er genginn í raðir Girona á láni frá Atlético Madríd.
Spænska félagið Celta Vigo hefur nælt í Bryan Zaragoza á láni frá Bayern München.
Varnarmaðurinn ungi og efnilegi, Davíð Leó Lund, framlengdi samning sinn við Völsung í dag til 2027 og var síðan í kjölfarið lánaður til Tindastóls.
Skagakonur hafa styrkt sig fyrir seinni hluta Íslandsmótsins en þær Berta Sóley Sigtryggsdóttir, Inga Ragnarsdóttir og Tinna Björk Helgadóttir eru allar komnar til félagsins.
Franska félagið Strasbourg hefur fest kaup á enska varnarmanninum Ishe Samuels-Smith frá Chelsea fyrir 6,5 milljónir punda.
Tyrkneska félagið festi kaup á nígeríska framherjanum Victor Osimhen fyrir metfé í kvöld en hann kemur til félagsins frá Napoli. Þúsundir manna tóku á móti Osimhen á flugvellinum sem skrifaði undir langtímasamning.
Dalvík/Reynir hefur sótt hinn afar öfluga Nikola Kristinn Stojanovic frá KFA.
Portúgalski bakvörðurinn Nelson Semedo hefur ákveðið að kveðja Úlfana eftir að samningur hans rann út. Samningurinn rann út fyrir mánuði síðan en Úlfarnir hafa haldið í þá von að hann myndi endursemja, en svo gerðist ekki.
Sunna Rún Sigurðardóttir er gengin í raðir Breiðabliks en hún er keypt til Íslandsmeistaranna frá uppeldisfélaginu sínu, ÍA. Fótbolti.net fjallaði um áhuga stórliðanna, Vals og Breiðabliks, í síðustu viku og í dag tilkynnti ÍA um sölu á leikmnaninum. Sunna Rún er fædd árið 2008, hún er unglingalandsliðskona sem spilar á miðjunni. Hún hefur skorað eitt mark í níu leikjum í Lengjudeidinni á þessu tímabili.
Andri Fannar Baldursson var rétt í þessu kynntur sem nýr leikmaður Kasimpasa í tyrknesku úrvalsdeildinni. Hann er keyptur frá ítalska félaginu Bologna þar sem hann hefur verið frá árinu 2019. Bologna nýtti sér ákvæði í samningi Andra Fannars í síðasta mánuði áður en hann rann út, við það framlengdist samningur hans við félagið um ár til viðbótar og því þurfti að kaupa hann frá Bologna. Miðjumaðurinn skrifar undir þriggja ára samning við tyrkneska félagið. Liðið endaði í 10. sæti deildarinnar í fyrra. Andri lék alls 16 leiki fyrir Bologna á tíma sínum þar. Hann var lánaður í þrígang frá félaginu, fyrst til FCK í Danmörku, svo til NEC Nijmegen í Hollandi og svo til Elfsborg í Svíþjóð þar sem hann var lengst. Hann sneri aftur til Bologna frá Elfsborg í lok síðasta árs, þurfti að fara í aðgerð og var fyrri hluta þessa árs að jafna sig eftir hana.
Sunderland hefur gengið frá kaupum á svissneska miðjumanninum Granit Xhaka, fyrrum leikmanni Arsenal. Xhaka, sem verður 33 ára í september, skrifaði undir þriggja ára samninga við nýliða ensku úrvalsdeildarinnar. Hann var sjö ár hjá Arsenal áður en hann gekk í raðir Bayer Leverkusen 2023. <i>„Ég er mjög stoltur af því að vera hér. Ég var spenntur þegar ég ræddi við félagið og fann kraftinn og hugarfarið sem allt starfsfólk og leikmenn eru með,"</i> segir Xhaka sem mun klæðast treyju númer 34 hjá Sunderland.
Bayern München hefur keypt kólumbíska landsliðsmanninn Luis Díaz frá Liverpool fyrir 65,5 milljónir punda. Díaz er 28 ára og hefur skrifað undir fjögurra ára samning við Þýskalandsmeistarana. Liverpool hafði hafnað 58,6 milljóna punda tilboði fyrr í þesum mánuði en tók endurbættu boði og gaf Díaz leyfi til að fara í læknisskoðun.