Osimhen er mættur aftur til Tyrklands
Þetta er aðeins hluti af fólkinu sem mætti til að taka á móti Osimhen
Tyrkneska félagið festi kaup á nígeríska framherjanum Victor Osimhen fyrir metfé í kvöld en hann kemur til félagsins frá Napoli. Þúsundir manna tóku á móti Osimhen á flugvellinum sem skrifaði undir langtímasamning.
Félagaskiptin hafa legið lengi í loftinu. Galatasaray fékk hann á láni á síðasta ári og varð hann markahæstur í deildinni er það vann deildarmeistaratitilinn í 25. sinn.
Flestir bjuggust við að Osimhen, sem er 26 ára gamall, myndi taka stökkið í stærri deild, en það varð ekkert úr því og ákvað Galatasaray að reyna að kaupa hann frá Napoli.
Viðræðurnar tóku dágóðan tíma og var Napoli ákveðið í að fá 75 milljónir evra fyrir kappann. Kaupverð sem hafði aldrei áður sést í Tyrklandi, en Tyrkirnir samþykktu á endanum að greiða verðmiðann og er hann nú loksins kominn aftur til félagsins.
Osimhen lenti í Istanbúl í kvöld og tóku þar á móti honum þúsundir stuðningsmanna.
Nígeríumaðurinn gerir þriggja ára samning með möguleika á ári til viðbótar.
Flottur gluggi hjá Galatasaray sem hefur einnig fengið Leroy Sane, Ismail Jakobs og Przemyslaw Frankowski, og samkvæmt erlendum miðlum eru fleiri stór nöfn á leiðinni.
???????????? Osimhen’den yeni üçlü https://t.co/VHAQa3niT1 pic.twitter.com/uTcISHYhQz
— Yakup Ç?nar (@yakupcinar) July 30, 2025
Athugasemdir
