Þýskaland: Þriðji tapleikur Leipzig í röð

Union Berlin vann sterkan sigur í þýsku Bundesligunni í kvöld er liði mætti RB Leipzig í fyrsta leik 14. umerðar.

Union hefur byrjað leiktíðina vel og var í sjötti sæti deildarinnar fyrir leikinn lyfti sér upp í það fjórða með góðum heimasigri.

Leipzig var fyrir leikinn í áttunda sætinu með 18 stig og hafði tapað gegn Hoffenheim og Leverkusen í síðustu tveimur leikjum.

Tímabil Leipzig hefur verið undir væntingum en liðið hefur nú tapað þremur leikjum í röð og er fimm stigum frá Meistaradeildarsæti.

Christopher Nkunku skoraði eina mark Leipzig til að jafna metin en Timo Baumgartl tryggði svo Union sigur í seinni hálfleik.