Sterling hefur ekki spilað fyrir England síðan 2022.
Raheem Sterling vængmaður Chelsea segist sakna þess að spila fyrir enska landsliðið, því það sé ein besta tilfinning sem hægt sé að finna.
Þessi 29 ára leikmaður hefur ekki spilað fyrir þjóð sína síðan á HM 2022 og hann komst ekki í hópinn fyrir EM.
Þessi 29 ára leikmaður hefur ekki spilað fyrir þjóð sína síðan á HM 2022 og hann komst ekki í hópinn fyrir EM.
„Auðvitað sakna ég þess. Ég elska að spila fyrir England. Það er ein besta tilfinning sem maður getur fundið. Það fylgir því gleði að vera með landsliðinu. Ég get ekki beðið eftir því að komast aftur í landsliðshópinn," segir Sterling.
England leitar að nýjum landsliðsþjálfara þar sem Gareth Southgate lét af störfum eftir EM. Búist er við því að U21 landsliðsþjálfarinn Lee Carsley taki við liðinu tímabundið og stýri því í septemberglugganum; gegn Írlandi og Finnlandi í Þjóðadeildinni.
Til að komast í enska landsliðið þarf Sterling að bæta frammistöðu sína fyrir Chelsea en hann hefur ekki sýnt mikinn stöðugleika síðan hann kom til félagsins frá Manchester City.
Athugasemdir
