Franski kantmaðurinn Désiré Doué hefur valið stórveldið Paris Saint-Germain sem næsta áfangastað.
PSG var í harðri baráttu við FC Bayern um að krækja í Doué, sem kemur úr röðum Rennes.
Doué er nýlega orðinn 19 ára gamall en hann að 10 mörkum í 43 leikjum á síðustu leiktíð og vakti mikinn áhuga á sér.
Doué keppti með franska U23 landsliðinu á Ólympíuleikunum í París í sumar og skoraði eitt og lagði eitt upp er Frakkar enduðu í öðru sæti mótsins.
Öll stærstu nöfnin hjá PSG sannfærðu Doué um að velja Parísarfélagið framyfir Bayern. Luis Campos, yfirmaður fótboltamála, ræddi við Doué ásamt Luis Enrique þjálfara og Nasser Al-Khelaifi forseta PSG.
Talið er að Rennes fái rúmar 50 milljónir evra fyrir söluna á Doué.
Til gamans má geta að hægri bakvörðurinn Guéla Doué, eldri bróðir Désiré, átti einnig flott tímabil með Rennes á síðustu leiktíð og var seldur til Strasbourg í sumar þrátt fyrir áhuga utan landsteinanna.
Athugasemdir
