Óskar spurður út í Sowe orðróminn - „Áhugaverður leikmaður“

Samningur Sowe við ÍBV rennur út í nóvember og er honum frjálst að ræða við önnur félög. Sögur segja að hann gæti farið í KR eftir tímabilið.

Óskar Hrafn var spurður út í þessa orðróma í samtali við Vísi.

„Það er ekkert klárt í því. Hann er áhugaverður leikmaður en er samningsbundinn ÍBV og ég get ekki tjáð mig um leikmenn sem eru samningsbundnir öðrum liðum,“ sagði Óskar Hrafn.

Sowe hefur nokkuð verið á meiðslalistanum í sumar en hefur komið við sögu í þrettán leikjum og skorað fimm mörk.

Óskar Hrafn er duglegur að vinna í leikmannamálum og hefur KR verið sterklega orðað við Örn Braga Hinriksson, ungan sóknarmann Þróttar, en sagan segir að hann fari í Vesturbæinn eftir tímabilið. Þá hefur Emil Atlason, sóknarmaður Stjörnunnar, einnig verið orðaður við KR.