Domino\'s-lið vikunnar í enska

Markvörður - Mark Schwarzer, Fulham
Fékk á sig þrjú mörk gegn Arsenal en stóð sig samt verulega vel. Bjargaði stigi með því að verja víti í uppbótartíma.

Hægri bakvörður - Cesar Azpilicueta, Chelsea
Leikmaður sem gæti fest sig í sessi sem hægri bakvörður Chelsea. Vann allar fjórar tæklingarnar sem hann fór í gegn Liverpool.

Miðvörður - Jamie Carragher, Liverpool
Byrjunarliðsleikirnir eru orðnir frekar sjaldgæfir hjá Carragher en hann lagði sig allan fram gegn Chelsea og lagði líka upp jöfnunarmarkið.

Miðvörður - Sebastian Bassong, Norwich
Hélt sóknarmönnum Reading vel í skefjum.

Vinstri bakvörður - Jose Enrique, Liverpool
Spánverjinn hefur oft mátt þola mikla gagnrýni en hann var fantagóður á Brúnni.

Miðjumaður - Charlie Adam, Stoke
Hafði fullt fram að færa í sigri gegn QPR. Skoraði og lék sinn besta leik í langan tíma.

Miðjumaður - David Silva, Manchester City
Hefur ekki alveg náð sér á strik á tímabilinu en var hrikalega flottur gegn Tottenham. Sendingin sem lagði upp sigurmark Edin Dzeko var snilld.

Miðjumaður - Kevin Nolan, West Ham
Skoraði sigurmarkið gegn sínu fyrrum félagi. Flott frammistaða.

Sóknarmaður - Marouane Fellaini, Everton
Virðist óstöðvandi. Getur Everton haldið mikið lengur í þennan leikmann?

Sóknarmaður - Dimitar Berbatov, Fulham
Af hverju keypti Arsenal ekki Búlgarann? Var svellkaldur á laugardag og virðist njóta sín í botn hjá Fulham.

Sóknarmaður - Javier Hernandez, Manchester United
Sir Alex Ferguson hefur gert margar stórgóðar skiptingar á ferlinum og ein af þeim kom á Villa Park á laugardag. Átti öll þrjú mörk United í 3-2 sigri.

Sjá einnig:
Fyrri úrvalslið í enska