Það tók bakvörðinn Sergino Dest smá tíma að átta sig á því að hann væri genginn í raðir spænska stórliðsins Barcelona frá Ajax í Hollandi.
Bandaríkjamaðurinn spilaði nýlega sinn fyrsta leik fyrir félagið en hann kostaði 21 milljón evra í sumar.
Dest er nú loksins að átta sig á félagaskiptunum og finnur auðvitað fyrir gríðarlegu stolti.
„Fyrstu dagana þá áttaði ég mig ekki almennilega á þessu en þegar ég horfi til baka þá hugsa ég: 'Vá, ég spila fyrir Barcelona!' Þetta gerðist svo hratt í fyrstu," sagði Dest.
„Núna er ég að átta mig á þessu þegar ég sé myndirnar og myndböndin og tilfinningin er frábær. Þetta er tilfinningaþrungin stund og var það þegar ég spilaði."
„Ég finn ekki fyrir pressu á neikvæðan hátt. Ég finn fyrir jákvæðri pressu svo það er mjög gott fyrir mig."
Athugasemdir