Albert og félagar á toppnum en stúkan er tóm - „Eins og Covid tíminn“

Vilja losna við forsetann
Björn Már Ólafsson, sérfræðingur um ítalska boltann, kom inn á vandræði Lazio utan vallar þegar Albert Guðmundsson gekk í raðir félagsins. Stuðningsmenn mæta ekki á leiki því þeir eru að mótmæla eigandanum.

„Það verður athyglisvert að fylgjast með Alberti á þessu tímabili, sér í lagi vegna þeirra vandræða sem ríkja utan vallar hjá Lazio. Stuðningsmenn félagsins vilja ólmir losna við forseta félagsins, Claudio Lotito, og aðeins um 2.500 ársmiðar hafa verið seldir, samanborið við 30.000 í fyrra. Það er því engin rífandi stemning sem bíður hans á Stadio Olimpico," sagði Björn Már.

Fyrir leikinn gegn Milan sýndu stuðningsmenn Lazio að hugur þeirra sé hjá liðinu. Þeir söfnuðust saman við æfingasvæðið og fylgdu liðsrútunni á leikinn áður en þeir fóru heim til sín eða á barinn og horfðu þar,

Óvinsældir Lotito meðal stuðningsmanna eru ekki nýjar af nálinni. Fyrr á árinu gaf stuðningsmannahópur frá sér opið bréf þar sem ákvarðanir hans voru gagnrýndar og honum kennt um að árangursleysi liðsins undanfarin ár.

Lotito hefur verið sakaður um að veita Lazio ekki athygli á meðan hann einbeiting hans fer annað. Hann er virkur í stjórnmálum og var kjörinn á ítalska þingið árið 2022.