Roma afgreiddi Udinese þægilega þar sem Jordan Veretout skoraði tvennu í fyrri hálfleik. Pedro gerði út um viðureignina í uppbótartíma og urðu lokatölur 3-0.

Luis Muriel kom þá inn af bekknum og gerði eina mark leiksins er Atalanta hafði betur á útivelli gegn Cagliari.

Roma er í þriðja sæti eftir sigurinn með 43 stig úr 22 umferðum. Atalanta er í sjöunda sæti með 40 stig en Evrópubaráttan er gríðarlega spennandi um þessar mundir.

Roma 3 - 0 Udinese
1-0 Jordan Veretout ('5)
2-0 Jordan Veretout ('25)
3-0 Pedro ('93)

Cagliari 0 - 1 Atalanta
0-1 Luis Muriel ('90)

Keita Balde og Fabio Quagliarella skoruðu þá mörkin er Sampdoria lagði Fiorentina að velli.

Staðan var jöfn eftir jafnan fyrri hálfleik en gestirnir frá Flórens tóku öll völd á vellinum eftir leikhlé.

Gamla kempan Quagliarella kom þó af bekknum og náði að stela sigrinum fyrir heimamenn þrátt fyrir yfirburði fjólubláu gestanna.

Samp er um miðja deild með 30 stig eftir sigurinn. Fiorentina er með 22 stig, sjö stigum frá fallsæti.

Sampdoria 2 - 1 Fiorentina
1-0 Keita Balde ('31)
1-1 Dusan Vlahovic ('37)
2-1 Fabio Quagliarella ('71)