Championship: Stoke hélt hreinu annan leikinn í röð

Stoke City lagði Hull City, 2-0, í ensku B-deildinni í dag. Phil Jagielka kom beint inn í byrjunarliðið en hann var kynntur sem nýr leikmaður félagsins í gær.

Jacob Brown fékk gefins mark strax á 22. mínútu. Sam Clucas fékk allan tímann í heiminum til að koma boltanum fyrir markið og var Brown einn og óvaldaður í teignum. Eftirleikurinn var auðveldur.

Jagielka var nálægt því að skora í fyrsta leik stuttu síðar en skalli hans var varinn yfir markið.

Tom Ince gerði annað mark Stoke í byrjun síðari hálfleik. Aftur fékk Clucas nægan tíma til að finna Ince sem lét vaða með vinstri og staðan 2-0.

Hull gerði sig aldrei líklegt til að koma sér inn í leikinn og auðveldur sigur Stoke staðreynd en liðið er nú í 8. sæti með 38 stig.