Úr úrslitaleik Real Madrid og Liverpool. Real Madrid vann þann leik en Liverpool vann árið eftir í úrslitaleik gegn Tottenham.
Nú rétt í þessu var dregið í átta-liða úrslit í Meistaradeildinni. Englandsmeistarar Liverpool mæta spænsku meisturunum í Real Madrid.
Ríkjandi Evrópumeistarar Bayern München mæta Kylian Mbappe og félögum í Paris Saint-Germain.
Porto, sem sló út Juventus í 16-liða úrslitunum, mætir Chelsea og Manchester City, topplið ensku úrvalsdeildarinnar, etur kappi við Borussia Dortmund.
Það var einnig dregið í undanúrslit en dráttinn í heild sinni má sjá hér að neðan. Það verður leikið í átta-liða úrslitunum og 6. og 7. apríl, og 13. og 14. apríl.
8-liða úrslitin
Manchester City - Borussia Dortmund
Porto - Chelsea
Bayern München - Paris Saint-Germain
Real Madrid - Liverpool
Undanúrslitin:
Bayern/PSG - Man City/Dortmund
Real Madrid/Liverpool - Porto/Chelsea
Athugasemdir