Fjórir markverðir í hóp Víkings

Ögmundur og Aron Snær hafa barist um stöðuna í sumar en Ögmundur meiddist í upphitun fyrir leikinn gegn Thun fyrir tveimur vikum síðan og hefur ekki spilað síðan.

Uggi Jóhann hefur verið þeim til halds og trausts og er það áfram.

Pálmi Rafn Arinbjörnsson (2003) var í leikmannahópi Víkings í fyrra og spilaði talsvert af leikjum. Hann hins vegar ákvað að leggja markmannshanskana á hilluna eftir síðasta tímabil, en hefur æft með Víkingum síðustu daga. Þetta er í fyrsta sinn á tímabilinu sem Pálmi er í hóp.

„Hann fékk að koma á æfingu. Við vildum sjá hvernig standi hann er í. Ömmi meiddist og við erum einum meiðslum frá því að vera í markvarðarkrísu. Við vildum sjá hvar hann stendur og hverjir möguleikarnir eru ef við verðum fyrir fleiri áföllum með markmenn."

Hann er búinn að líta ágætlega út (á æfingum). Hann er búinn að halda sér við og er í flottu líkamlegu ástandi. Við þurfum að skoða betur hvernig standið á honum sem markvörður er," sagði Sölvi Geir Ottesen, þjálfari Víkings, um Pálma Rafn fyrir átta dögum síðan.